ఆదితి రావు రీసెంట్‌గా చేసిన ఒక ట్వీట్ బాగా వైర‌ల్ అవుతోంది. ఎన్నో ప్ర‌శ్న‌ల‌కి డిస్క‌ష‌న్ పాయింట్ అయింది ఆమె ట్వీట్‌. ఒక బాలీవుడ్ బ‌డా హీరోని ఉద్దేశించే ఆమె ఈ ట్వీట్ చేసింద‌ని అర్థ‌మవుతోంది. మీటూ వివాదంలో ఆదితి రావు బాధిత మ‌హిళ‌లకి ట్విట్ట‌ర్ ద్వారా మ‌ద్ద‌తు తెలుపుతూ వ‌స్తోంది. ఐతే బాలీవుడ్‌లో ఇపుడు దొంగే పోలీసుని దొంగ అన్న వైనం సాగుతోంద‌నే అర్థం వ‌చ్చేలా ట్వీట్ చేసింది. 

ఎవ‌రైతే హీరోయిన్ల‌ని లైంగికంగా వేధిస్తారో..వారే ఇపుడు ముందుకొచ్చిన నీతిసూత్రాలు చెపుతున్నార‌ని ఆమె ఇన్‌డైర‌క్ట్‌గా చెప్పింది. 

"చెలియా" సినిమాలో అందంగా, ఒద్దికైన పాత్ర‌లో క‌నిపించింది ఆదితి రావు. మ‌ణిర‌త్నం ఆమెని అంత సౌంద‌ర్యంగా చూపించిన తీరు చాలా మంది ద‌ర్శ‌కుల‌కి ఒక‌ ప్రేర‌ణ‌గా నిలిచింది. తాను రాసుకున్న సినిమా హీరోయిన్ పాత్ర‌కి ఆమె అయితేనే బాగుంటుంద‌నుకున్నాడు ద‌ర్శ‌కుడు ఇంద్ర‌గంటి. "చెలియా" సినిమా చూసి.. ఆమెని త‌న "స‌మ్మోహ‌నం" సినిమాకి తీసుకున్నాడు. అంతేకాదు వ‌రుణ్ తేజ హీరోగా రూపొందుతోన్న "అంత‌రిక్షం" సినిమాలో ఆమెకి హీరోయిన్ పాత్ర ద‌క్కింది కూడా చెలియా చిత్రంతోనే. ఈ మూడు సినిమాల్లోనూ ఆమె పాత్ర‌లు సంప్ర‌దాయ‌బ‌ద్ద‌మైన‌వే, డేరింగ్ రోల్స్ కాదు.