"చెలియా" సినిమాలో అందంగా, ఒద్దికైన పాత్రలో కనిపించింది ఆదితి రావు. మణిరత్నం ఆమెని అంత సౌందర్యంగా చూపించిన తీరు చాలా మంది దర్శకులకి ఒక ప్రేరణగా నిలిచింది. తాను రాసుకున్న సినిమా హీరోయిన్ పాత్రకి ఆమె అయితేనే బాగుంటుందనుకున్నాడు దర్శకుడు ఇంద్రగంటి. "చెలియా" సినిమా చూసి.. ఆమెని తన "సమ్మోహనం" సినిమాకి తీసుకున్నాడు. అంతేకాదు వరుణ్ తేజ హీరోగా రూపొందుతోన్న "అంతరిక్షం" సినిమాలో ఆమెకి హీరోయిన్ పాత్ర దక్కింది కూడా చెలియా చిత్రంతోనే. ఈ మూడు సినిమాల్లోనూ ఆమె పాత్రలు సంప్రదాయబద్దమైనవే, డేరింగ్ రోల్స్ కాదు.