"అర‌వింద స‌మేత" సినిమా షూటింగ్ దాదాపుగా పూర్త‌యింది. ఒక పాట చిత్రీక‌ర‌ణ‌, కొంత ప్యాచ్ వర్క్ మిగిలి ఉంది. ద‌ర్శ‌కుడు త్రివిక్ర‌మ్ ఈ సినిమాని చాలా స్పీడ్‌గా పూర్తి చేశారు. రెగ్యుల‌ర్ షూటింగ్‌ని ఏప్రిల్‌లో మొద‌లుపెట్టారు. పెద్ద హీరో సినిమాని ఆరు నెల‌ల్లో పూర్తి చేయ‌డం అంటే మాట‌లు కాదు. ఇది ఇలా సాధ్య‌మైందంటే ..సినిమా మొత్తాన్ని హైద‌రాబాద్ స్టూడియోల్లోనూ, ప‌రిస‌ర ప్రాంతాల్లో తీయ‌డం వ‌ల్లే. అలాగే జూనియ‌ర్ ఎన్టీఆర్ ఈ సినిమా కోసం నాన్‌స్టాప్‌గా ప‌నిచేశాడు. త‌న తండ్రి హ‌రికృష్ణ క‌న్నుమూసినా.. సినిమా ఆల‌స్యం కావొద్ద‌నే ఉద్దేశంతో నాలుగో రోజు నుంచి షూటింగ్‌లో పాల్గొన్నాడు.