"గీత గోవిందం" దర్శకుడు పరశురామ్ గీత మారింది. ఇప్పటి వరకు ఐదు సినిమాలు తీసినా...ఆయన పేరు సామాన్య ప్రేక్షకులకి అంతగా పరిచయం లేదు. గీత గోవిందంతో ఒక్కసారిగా అందరి చూపు ఆయనపై పడింది. 55 కోట్ల రూపాయల బ్లాక్బస్టర్ ఈ మూవీ. ఇంత పెద్ద హిట్ రావడంతో నిర్మాతలంతా ఆయన వెంట పడుతున్నారు. అల్లు అర్జున్ కూడా ఒక మూవీ చేయమని అడిగాడని ఇటీవల ప్రచారం జరిగింది. ఐతే అది ఇపుడే ఉండదని అంటున్నాడు ఈ నర్సీపట్నం బాబు.