గాయని చిన్మయి ..మహిళల అంశాలకి సంబంధించి బాగా వాదిస్తుంది. మీటూ ఉద్యమంతో దక్షిణాది చిత్ర పరిశ్రమలో పెద్ద కలకలమే రేపింది. అలాగే సినిమా హీరోల మేల్ఇజంపై కూడా ఘాటుగానే స్పందిస్తుంటుంది. ఆ మధ్య మన హీరోలు చాలా చిన్న వయసు భామలతో జతకట్టడంపై కామెంట్ చేసింది. ఇప్పటికీ వయసు మళ్లిన స్టార్స్ తమ కూతురు వయసు అంత ఉండే హీరోయిన్లతో జతకడుతున్నారు. తరాలు మారినా, దశాబ్దాలు మారినా ట్రెండ్ మారట్లేదు కదా అని విమర్శించింది.
దక్షిణాదిన మీటూ ఉద్యమాన్ని సమర్ధవంతంగా నడిపిన సెలబ్రిటీలలో ఒకరు చిన్మయి. సింగర్ చిన్మయికి సోషల్ మీడియాలో ఫాలోయింగ్ ఆమె పాటల కన్నా ఆమె వివిధ సమస్యలపై స్పందించే విధానం వల్లే వచ్చిందంటే అతిశయోక్తి కాదు. ఆమె పాటల గురించి సోషల్ మీడియాలో తక్కువ డిస్కషన్ ఉంటుంది. ఆమె చేసే కామెంట్స్, ట్వీట్స్పై ఎక్కువ రగడ ఉంటుంది. అలాగని ఆమె పాటలను తక్కువ అంచనా వేయొద్దు. ఆమె అద్భుతమైన గాయని.