విజయ్ దేవరకొండ నటించిన "గీత గోవిందం" మినీ సునామీ సృష్టించింది కలెక్షన్ల పరంగా. కేవలం ఐదు రోజుల్లోనే 31 కోట్ల రూపాయల షేర్ని పొందింది. మూములుగా ఇలాంటి సంఖ్యలను కేవలం పెద్ద హీరోల సినిమాల విషయంలోనే వింటూ ఉంటాం. విజయ్ దేవరకొండ లాంటి మిడిల్ రేంజ్ హీరోకి ఈ రేంజ్ కలెక్షన్లను ఎపుడూ చూడలేదు, వినలేదు. అందుకే దీన్ని మినీ సునామీ అంటున్నారు. ఒకవైపు, తెలుగు రాష్ట్రాల్లో వర్షాలు దంచి కొడుతున్నాయి. మరోవైపు, థియేటర్లలో కనకవర్షం కురుస్తోంది.