ద‌ర్శ‌కుడు సుకుమార్ నిర్మాత అవ‌తారం ఎత్తి "కుమారి 21 ఎఫ్" అనే చిన్న చిత్రాన్ని నిర్మించాడు. అది సూప‌ర్‌హిట్ అయింది. సుకుమార్ రైటింగ్స్ బ్యాన‌ర్‌పై ద‌ర్శ‌కుడు అనే మ‌రో మూవీ కూడా తీశాడు కానీ అది పరాజ‌యం పాలు అయింది. దాంతో ఇక నిర్మాత‌గా సినిమాల‌కి ఫుల్‌స్టాప్ పెడుతార‌నుకున్నారంతా. ఐతే "రంగ‌స్థ‌లం" సినిమాతో ద‌ర్శ‌కుడిగా సుకుమార్ రేంజ్ మారిపోయింది. సుకుమార్ బ్రాండ్ నేమ్ కూడా మ‌రింత‌గా పెరిగింది. దాంతో ఇపుడు ఆయ‌న ప్రొడ‌క్ష‌న్‌ని సీరియ‌స్‌గా తీసుకున్నాడు. ఒక‌టి కాదు రెండు కాదు వ‌రుస‌గా మూడు, నాలుగు సినిమాల‌ను త‌న బ్యాన‌ర్‌పై నిర్మించ‌నున్నాడు.