ఈ ఏడాది అల్లు అర్జున్ మూడు సినిమాలు ప్రకటించాడు. అందులో ఒకటి ఎండింగ్ కి వచ్చింది. అదే.. త్రివిక్రమ్ తీస్తున్న 'అల వైకుంఠపురంలో'. ఈ సినిమాతో పాటు సుకుమార్ డైరక్షన్లో ఒకటి, వేణు శ్రీరామ్ దర్శకత్వంలో మరోటి చేస్తానని చెప్పాడు. 'ఐకాన్' పేరుతో వేణు శ్రీరామ్ తీయనున్న సినిమా ఇప్పుడు ఆగిపోయింది అని రూమర్ వైరల్ అవుతోంది.
సుకుమార్ సినిమా రెగ్యులర్ షూటింగ్ జనవరిలో మొదలు పెడితే ...పూర్తయ్యేసరికి ఎనిమిది, పది నెలలు పడుతుంది. ఆ తర్వాత అయినా స్టార్ట్ చేస్తాడా లేక ఎవరైనా పెద్ద దర్శకుడు కథ చెప్తే వెంటనే ఒకే అంటాడా అన్నది చర్చ. అందుకే 'ఐకాన్' సినిమాని ప్రస్తుతానికి పక్కన పెట్టినట్లే భావించాలి.
సుకుమార్ ద‌ర్శ‌కుడిగా క‌న్నా నిర్మాత‌గా బిజీ అయ్యేందుకు ఆస‌క్తి చూపుతున్న‌ట్లు క‌నిపిస్తోంది. దాదాపు నాలుగు సినిమాల‌ను ఆయ‌న లైన్లో పెట్టాడు. కో ప్రొడ్యుస‌ర్‌గా, ప్రొడ్యుస‌ర్‌గా సుకుమార్ నాలుగు సినిమాలు తీయ‌నున్నాడు ఈ ఏడాదిలో. అందులో రెండు సినిమాలు ఇప్ప‌టికే మొద‌ల‌య్యాయి. మ‌రో రెండు త్వ‌ర‌లోనే సెట్స్‌పైకి వెళ్తాయి.
