పెళ్లయిన తర్వాతే సమంత క్రేజ్ మరింతగా పెరిగింది. పెళ్లికి ముందు కన్నా పెళ్లి తర్వాతే ఆమెకి సక్సెస్ రేట్ ఎక్కువుంది. పెళ్లి అయితే హీరోయిన్ల పని అయిపోయినట్లే అన్న సూత్రాన్ని కొంతమంది హీరోయిన్లు రాంగ్ అని ప్రూవ్ చేశారు. అలాంటి వారిలో సమంత ఒకరు.
ఇపుడు ఈ భామ పారితోషికం పెంచిందనే గుసగుసలు వినిపిస్తున్నాయి. ముఖ్యంగా "మజిలీ" సినిమా 35 కోట్ల రూపాయల వసూళ్లు అందుకోవడంతో అటు ఆమె భర్త చైతన్య, ఇటు సమంత ఇద్దరూ ఎక్కువ పారితోషికం అడుగుతున్నారట. మజిలీ సక్సెస్ తర్వాత సమంత ఇపుడు 2.50 కోట్లు అడుగుతోందనేది టాక్. ఇందులో నిజమెంత?
పెళ్లయిన తర్వాత నాగ చైతన్య, సమంత మొదటిసారిగా కలిసి నటిస్తున్న సినిమా.. "మజిలీ". రియల్ లైఫ్ కపుల్ రీల్లైఫ్లోనూ భార్యభర్తలుగానే నటిస్తుండడంతో సినిమాపై ఆసక్తి మొదలైంది. పైగా ఆ మధ్య విడుదలైన ట్రయిలర్ ఆకట్టుకొంది. దాంతో అంచనాలు పెరిగాయి. ఐతే ఈ సినిమా శాటిలైట్, డిజిటల్, హిందీ రైట్స్ భారీ మొత్తానికి పోయాయని అపుడే కోతలు మొదలు అయ్యాయి. ఈ మూడు రైట్స్కి కలిపే 12 కోట్ల రూపాయలు వచ్చాయని వార్తలు వస్తున్నాయి.
సమంత నేటి తరం నటి. ఆమె ఆలోచనలు కూడా చాలా మాడ్రన్గా ఉంటాయి. పెళ్లయిన తర్వాత కూడా ఆమె నటిగా బిజీగా మారింది. పెద్ద పెద్ద హిట్స్ ఇచ్చింది. ఐతే పెళ్లి చేసుకున్న తర్వాత కూడా నటనని కంటిన్యూ చేసిన హీరోయిన్లు చాలా మందే ఉన్నారు. సమంత మొదటి భామ ఏమీ కాదు. ఐతే సాధారణంగా పెళ్లి తర్వాత హీరోయిన్లు గ్లామర్ని ఒలకబోయారు. సంప్రదాయంగా కనిపించేందుకు ఇష్టపడుతారు.