యాక్షన్ కింగ్ అర్జున్ తనని లైంగికంగా వేధించాడని సంచలన ఆరోపణలు చేసింది కన్నడ నటి శ్రుతి హరిహరన్. సెట్లోనే శ్రుతి మించాడని కూడా చెప్పింది. ఆమె ఆరోపణలు చేయడమే కాదు అర్జున్పై కేసు కూడా పెట్టింది. కోర్టులో నడుస్తోంది ఈ కేసు. ఐతే ఇపుడు వీరిద్దరి మధ్య తెరచాటు రాజీ ఒప్పందం జరిగిందని కన్నడ చిత్రసీమలో చెవులు కొరుక్కుంటున్నారు. అర్జున్ బంధువు చిరంజీవి సర్జా కన్నడంలో లీడింగ్ హీరోల్లో ఒకరు. ఇపుడు ఆయన సరసన నటించేందుకు శ్రుతి అంగీకరించింది. దాంతో అర్జున్తో ఆమె రాజీపడిందనే పుకార్లకి బలం వచ్చింది.
>మీటూ ఉద్యమం సినిమా ఇండస్ట్రీలో మంచి మార్పులను తీసుకొచ్చింది. లైంగిక వేధింపులు తగ్గాయి. అందరిలోనూ ఎంతో కొంత మార్పు వచ్చింది. ఐతే మీటూ వివాదంలో ఆరోపణలు చేసిన హీరోయిన్లు వార్తల్లో నిలిచి సోషల్ మీడియాలో పేరు సంపాదించుకున్నా..వారి కెరియర్కి మాత్రం శాపంగా మారినట్లు కనిపిస్తోంది. >కన్నడ నటి శ్రుతి హరిహరన్ సీన్ అదే.