ప్రజారాజ్యం స్థాపించిన టైమ్ లో శ్రీకాకుళం జిల్లాలో ఎన్నికల ప్రచారం చేశారు చిరంజీవి. ఆ తర్వాత మళ్లీ శ్రీకాకుళం గడ్డపై చిరంజీవి అడుగుపెట్టిన దాఖలాలు లేవు. మళ్లీ ఇన్నేళ్లకు ఆంధ్రప్రదేశ్ చిట్టచివరి జిల్లాగా ఉన్న శ్రీకాకుళంలో అడుగుపెట్టబోతున్నారు మెగాస్టార్. అది కూడా సినిమా షూటింగ్ కోసం కావడం విశేషం.
త్వరలోనే కొరటాల శివ దర్శకత్వంలో ఓ సినిమా చేయబోతున్నారు చిరంజీవి. దీనికోసం ఆయన ప్రత్యేకంగా మేకోవర్ కూడా అయ్యారు. కాస్త బరువు తగ్గి ఫిట్ గా తయారయ్యారు. అంటే కొత్త చిరు అన్న‌మాట. మెగాస్టార్ 2.0ని చూడ‌బోతున్నాం.
