మాస్ మహారాజా రవితేజ నటిస్తున్న తాజా చిత్రం..."డిస్కోరాజా". ఈ సినిమా డిసెంబర్లో విడుదల కానుంది. రవితేజతో ఎక్కువ ఖర్చు పెట్టి తీస్తే నిర్మాత గుండు కొట్టించికోవాల్సిందే అన్న కామెంట్లు వినిపిస్తున్న టైమ్లో డిస్కోరాజా నిర్మాత డబ్బుని విపరీతంగా వెదజల్లుతున్నాడట. యాక్షన్ సీన్ల కోసం, గ్రాఫిక్స్ కోసం కోట్లు కుమ్మరిస్తున్నాడు. ఇందులో నిజానిజాలు ఎంతో కానీ.. ఆ టీమ్ చెపుతున్న దాని ప్రకారం గ్రాఫిక్స్, యాక్షన్ స్టంట్స్..అన్నీ హైలెవలేనట.
త్వరలోనే వీఐ ఆనంద్ దర్శకత్వంలో కొత్త సినిమా స్టార్ట్ చేయబోతున్నాడు రవితేజ. ఈ సినిమాకు ముందుగా టైటిల్ ఎనౌన్స్ చేయబోతున్నారు. ఆ తర్వాత సినిమాను సెట్స్ పైకి తీసుకెళ్తారు. దానికి సంబంధించిన తేదీని ఈరోజు ప్రకటించారు. 13వ తేదీన రవితేజ-వీఐ ఆనంద్ సినిమా టైటిల్ లోగోను విడుదల చేస్తారు. అదే రోజున సినిమా సెట్స్ పైకి వెళ్లే తేదీని కూడా ప్రకటిస్తారు.