ఈ రోజు నివేథా థామస్ పుట్టిన రోజు. 24లోకి అడుగు పెట్టింది. చిన్న వయసులోనే మంచి గుర్తింపు తెచ్చుకొంది ఈ కేరళ కుట్టి. నాని సరసన జెంటిల్ మెన్, నిన్ను కోరి వంటి సినిమాల్లో నటించి పాపులర్ అయింది. ఆ తర్వాత ఎన్టీఆర్ సరసన జై లవకుశ, కళ్యాణ్ రామ్ నటించిన '118' లో కూడా తన యాక్టింగ్ టాలెంట్ చూపించింది.
ఈ భామ ఇప్పుడు రజినీకాంత్ నటిస్తున్న దర్బార్ లో ఆయన కూతురుగా నటిస్తోంది. గ్లామర్ షోలో అంత దూకుడు లేదు కాబట్టి రావలిసినంతగా అవకాశాలు రావడం లేదు. అయితే ఇంద్రగంటి తీసుతున్న 'వి' సినిమాలో మాత్రం హీరోయిన్ గానే నటిస్తోంది.
"గ్యాంగ్ లీడర్" కంప్లీట్ అయిన వెంటనే దిల్ రాజు నిర్మిస్తున్న "V" సినిమా సెట్స్ పైకి చేరిపోయాడు నాని. కెరీర్ లో నానికి ఇది 25వ సినిమా కావడం విశేషం. పైగా తన ఫేవరెట్ దర్శకుడు ఇంద్రగంటి మోహనకృష్ణ సినిమా. వీటన్నింటికీ తోడు ఇది మల్టీస్టారర్ సినిమా. అందుకే ఈ సినిమాపై ఛానెళ్లపై దృష్టిపెట్టాయి. అలా భారీ పోటీ మధ్య జెమినీ ఛానెల్.. ఈ సినిమా శాటిలైట్ హక్కులు దక్కించుకుంది.