శరత్ కుమార్ కూతురు వరలక్ష్మి శరత్ కుమార్ రెండు రకాలుగా తెలుగు ప్రేక్షకులకు తెలుసు. వీటిలో ఒకటి హీరో విశాల్ తో ఎఫైర్. గతంలో వీళ్లిద్దరూ గాఢంగా ప్రేమించుకున్నారంటూ రూమర్లు వచ్చాయి. అప్పుడు టాలీవుడ్ జనాలకు ఆమె గురించి తెలిసొచ్చింది. అదిప్పుడు లేదనుకోండి. అది వేరే విషయం.
ఉన్నది ఉన్నట్టు మాట్లాడ్డం హీరోయిన్ వరలక్ష్మి స్టయిల్. కాస్టింగ్ కౌచ్ పై కూడా ఈ హీరోయిన్ తనదైన స్టయిల్ లో రియాక్ట్ అయింది. కొంతమంది హీరోయిన్లు తమకు కాస్టింగ్ కౌచ్ అనుభవాలు లేవని, ఇంత వరకు తమను ఎవరూ టచ్ చేయలేదని అంటున్నారని, అలాంటి మాటలు అస్సలు నమ్మొద్దని అంటోంది వరలక్ష్మి. వాళ్లంతా అబద్ధాలు చెబుతున్నారని అంటోంది.