విన‌య విధేయ రామ సినిమా ఫంక్ష‌న్‌కి అతిథిగా వ‌చ్చిన కేటీఆర్ ట్ర‌యిల‌ర్ చూసి ఓ మాట అన్నాడు. టైటిల్‌లో విన‌య విధేయ రామ ఉంది కానీ నాకు విధ్వంస రాముడే క‌న‌ప‌డుతున్నాడ‌ని కేటీఆర్ కామెంట్ చేశాడు. కేటీఆర్ మాట నిజ‌మవుతోంది. సినిమాలో వ‌య‌లెన్స్ ఎక్కువే ఉంద‌ట‌. రామ్‌చ‌ర‌ణ్ యాక్ష‌న్ స్టార్‌గా రెచ్చిపోయాడ‌ట‌. క్ల‌యిమాక్స్ ఫైట్‌లో మొత్తం విధ్యంస‌మే అని టాక్‌.

త‌న సినిమాల్లో బోయ‌పాటి క‌నిపంచ‌డం రెగ్యుల‌ర్‌. సినిమా మొద‌ట్లోనే క‌నిపించి..క్లాప్‌, స్టార్ట్..యాక్ష‌న్ అన‌డం ఎంత కామ‌నో, ఆయ‌న సినిమాల్లో హీరో క‌త్తి ప‌ట్టి న‌ర‌క‌డం అంతే కామ‌న్‌. రామ్‌చ‌ర‌ణ్ హీరోగా బోయ‌పాటి తీస్తున్న వినయ విధేయ రామ సినిమాలో కూడా హీరో క‌త్తి ప‌ట్టి న‌రికే సీన్లు బోలెడ‌న్నీ ఉంటాయి. చ‌ర‌ణ్ చేతికి కత్తి మొలిసిందా అనిపించేలా ఉంటాయి కాబోలు తాజాగా లీక్ అయిన స్టిల్స్ చూస్తుంటే.

డైర‌క్ట‌ర్ బోయ‌పాటి అన‌గానే మ‌...మ‌..మాస్ అని అంటారు. మాస్‌కి న‌చ్చే ఎలిమెంట్స్‌తో సినిమాలు తీయ‌డం బోయ‌పాటి స్పెషాలిటీ. గ్రాండ్ విజువ‌ల్స్‌, ర‌క్తిక‌ట్టించే యాక్ష‌న్ ఎపిసోడ్‌లు, ఈలలు, క్లాప్స్ ప‌డేస్థాయిలో డైలాగ్‌లు ఆయన సినిమాల్లో ప‌రిపాటి. ఐతే, రీసెంట్‌గా ఆయ‌న త‌న ప్ర‌తి సినిమాలో ఒక కొత్త లొకేష‌న్‌ని చూపించే ప్ర‌య‌త్నం చేస్తున్నాడు. ఏ ద‌ర్శ‌కుడు అంత‌కుముందు చిత్రీక‌రించ‌ని లొకేష‌న్‌ని తాను చూపిస్తున్నాడు.