60 అంటే రిటైర్మెంట్ ఏజ్. కానీ మన హీరోలు మాత్రం సిక్స్టీ లలో కూడా 20లలో ఎలా ఉంటారో ఆలా ఉంటున్నారు. సినిమా బాలేదనే విషయాన్నీ పక్కన పెడితే, నాగార్జున 'మన్మథుడు 2'లో అదరగొట్టాడు తన లుక్ తో. ఇప్పుడు అందరు మాట్లాడుకుంటున్నది మెగాస్టార్ చిరంజీవి గురించే. 

మెగాస్టార్ చిరంజీవి - కొరటాల కాంబినేషన్లో సినిమా ఇంకా మొదలు కాలేదు. సెప్టెంబర్లో లాంఛనంగా సినిమా మొదలయ్యే అవకాశం ఉంది. ఐతే ఈ సినిమాలో హీరోయిన్ ఎవరు అన్న విషయంలో రోజుకో వార్త పుట్టుకొస్తోంది. మొదట శ్రుతి అని, ఆ తర్వాత ఐశ్వర్యారాయ్ అని... ఇలా డైలీ ఎపిసోడ్లో తాజాగా కాజల్ అగర్వాల్ పేరుని మీడియా ప్రచురించింది.

ఇదే విషయాన్ని కొరటాల టీమ్ ముందు పెడితే...అస్సలు కాజల్ అగర్వాల్ గురించి తాము ఆలోచించనే లేదని, ఆమెని అప్రోచ్ కాలేదని స్పష్టం చేసింది. కాజల్ ఈ పాత్రకి సూట్ అయ్యే అవకాశం తక్కువట. అందుకే ఇప్పటికీ కొరటాల టీమ్ అనుష్క, నయనతారలలో ఒకరిని ఫైనల్ చేయాలని భావిస్తోంది.