నాని నటించిన "జెర్సీ" సినిమా వచ్చే నెలలో విడుదల కానుంది. ఈ సినిమాకి సంబంధించిన షూటింగ్ చిత్రీకరణ ఇప్పటికే పూర్తయింది. ఐతే ఈ సినిమా కోసం రెండు క్లయిమాక్స్లు చిత్రీకరించారనీ, ఏ క్లయిమాక్స్ని పెట్టాలనేది ఇంకా దర్శకుడు నిర్ణయించుకోలేకపోతున్నాడని వార్తలు వచ్చాయి. కానీ ఇందులో నిజం లేదంటోంది "జెర్సీ" టీమ్.
రెండు క్లయిమాక్స్లు తీశారన్నది తప్పు అని క్లారిటీ ఇచ్చింది "జెర్సీ" టీమ్. ఏ క్లయిమాక్స్ పెట్టాలనుకున్నామో అది ఇప్పటికే చిత్రీకరించాం, అంతే తప్ప ఎండింగ్ విషయంలో ఏ ఊగిసలాట లేదని చెప్పింది.
చాన్నాళ్ల కిందటే ఓ మల్టీస్టారర్ కథ రాసుకున్నాడు దర్శకుడు ఇంద్రగంటి మోహనకృష్ణ. దిల్ రాజు బ్యానర్పై ఆ సినిమా చేయాలనేది ఒప్పందం. అంతా ఓకే అయింది. కథ సెట్ అయింది. నానితో పాటు దుల్కర్ సల్మాన్ కావాలని అనుకున్నారు. దుల్కర్ డేట్స్ లేవని చెప్పాడు. ఆ తర్వాత మరో పెద్ద హీరో కావాలని ఇంద్రగంటి కోరాడు. కానీ దిల్ రాజు మాత్రం ధైర్యం చేయలేకపోయాడు. ఈమధ్య కాలంలో మీడియం రేంజ్ బడ్జెట్ లో సేఫ్ వెంచర్స్ తీస్తున్న ఈ నిర్మాత.. ఇంద్రగంటి దర్శకత్వంలో మల్టీస్టారర్ చేయడానికి కాస్త వెనకంజ వేశాడు.
నాని ఇపుడు బిజీ బిజీగా ఉన్నాడు. ఒకవైపు "జెర్సీ" విడుదలకి రెడీ అవుతోంది మరోవైపు విక్రమ్కుమార్ సినిమా షూటింగ్లో ఉన్నాడు నాని. ఈ రోజు (ఫిబ్రవరి 24) నాని పుట్టిన రోజు. ఈ బర్త్డే సందర్భాన్ని పురస్కరించుకొని నాని నిర్మాతలు కొత్త సినిమాలు అనౌన్స్ చేస్తున్నారు. మరికొందరు టైటిల్స్ అనౌన్స్ చేస్తున్నారు.
తొలి సినిమా "ఆర్ ఎక్స్ 100"తోనే మంచి గుర్తింపు తెచ్చుకున్నాడు కార్తీకేయ. ఈ కుర్రహీరో ఇపుడు మూడు సినిమాల్లో హీరోగా నటిస్తున్నాడు. మూడు సినిమాలు వేర్వేరు దశల్లో షూటింగ్లో ఉన్నాయి. తాజాగా నాని సినిమాలోనూ కీలక పాత్రకి ఒప్పుకున్నాడు. కెరియర్ ప్రారంభంలోనే ఒక హీరో సినిమాలో కీలక పాత్రకి ఒప్పుకుంటే సమస్య వస్తుందని మొదట భయపడ్డాడు. చివరికి విక్రమ్కుమార్ డైరక్షన్లో నాని హీరోగా రూపొందుతోన్న తాజా సినిమాని సైన్ చేశాడు. ఈ సినిమా షూటింగ్ మొదలైంది కానీ కార్తీకేయ కొద్ది రోజుల తర్వాత జాయిన్ అవుతాడు.