నాని న‌టించిన "జెర్సీ" సినిమా వచ్చే నెల‌లో విడుద‌ల కానుంది. ఈ సినిమాకి సంబంధించిన షూటింగ్ చిత్రీక‌ర‌ణ ఇప్ప‌టికే పూర్త‌యింది. ఐతే ఈ సినిమా కోసం రెండు క్ల‌యిమాక్స్‌లు చిత్రీక‌రించార‌నీ, ఏ క్ల‌యిమాక్స్‌ని పెట్టాల‌నేది ఇంకా ద‌ర్శ‌కుడు నిర్ణ‌యించుకోలేక‌పోతున్నాడ‌ని వార్త‌లు వ‌చ్చాయి. కానీ ఇందులో నిజం లేదంటోంది "జెర్సీ" టీమ్‌.

రెండు క్లయిమాక్స్‌లు తీశార‌న్న‌ది త‌ప్పు అని క్లారిటీ ఇచ్చింది "జెర్సీ" టీమ్‌. ఏ క్ల‌యిమాక్స్ పెట్టాల‌నుకున్నామో అది ఇప్ప‌టికే చిత్రీక‌రించాం, అంతే త‌ప్ప ఎండింగ్ విష‌యంలో ఏ ఊగిస‌లాట లేద‌ని చెప్పింది.

చాన్నాళ్ల కిందటే ఓ మల్టీస్టారర్ కథ రాసుకున్నాడు దర్శకుడు ఇంద్రగంటి మోహనకృష్ణ. దిల్ రాజు బ్యానర్‌పై ఆ సినిమా చేయాలనేది ఒప్పందం. అంతా ఓకే అయింది. కథ సెట్ అయింది. నానితో పాటు దుల్క‌ర్ స‌ల్మాన్ కావాల‌ని అనుకున్నారు. దుల్క‌ర్ డేట్స్ లేవ‌ని చెప్పాడు. ఆ త‌ర్వాత మ‌రో పెద్ద హీరో కావాల‌ని ఇంద్ర‌గంటి కోరాడు. కానీ దిల్ రాజు మాత్రం ధైర్యం చేయలేకపోయాడు. ఈమధ్య కాలంలో మీడియం రేంజ్ బడ్జెట్ లో సేఫ్ వెంచర్స్ తీస్తున్న ఈ నిర్మాత.. ఇంద్రగంటి దర్శకత్వంలో మల్టీస్టారర్ చేయడానికి కాస్త వెనకంజ వేశాడు.