ప్రభాస్ మళ్లీ షూటింగ్ కి రెడీ అవుతున్నాడు. జాన్ అనే వర్కింగ్ టైటిల్ తో గత ఏడాది మొదలు పెట్టి సగంలోనే ఆపేసిన ఆ సినిమాని మళ్ళీ టేకప్ చేశాడు. సాహో విడుదల అయిన తర్వాత మూడు నెలల విశ్రాంతి తీసుకున్నాడు. ఇక ఇప్పుడు బ్యాక్ టు యాక్షన్ అన్నమాట.
ఈ నెల 18న షూటింగ్ షురూ అవుతుంది అట. హైదరాబాద్ లోనే ప్రత్యేకంగా సెట్ వేశారు. ఇంతకుముందులా భారీ ఖర్చుతో తీయడం లేదు. హడావిడి తగ్గించి సినిమా నేరేషన్ మీద ఎక్కువ దృష్టి పెట్టమని దర్శకుడికి చెప్పాడు ప్రభాస్. ఈ సినిమాకి దర్శకుడు రాధాకృష్ణ కుమార్. ఇతను ఇంతకుముందు గోపీచంద్ హీరోగా జిల్ అనే సినిమా తీసి ... ఈ ఛాన్స్ కొట్టాడు.
పూజ హెగ్డేకి ఇప్పుడు ఎంత క్రేజ్ ఉందో చెప్పడానికి ఈ రోజు ఆమెకి వచ్చిన విషెస్ ఒక ఉదాహరణ. నేడు ఆమె బర్త్ డే. పుట్టిన రోజు సందర్భంగా అల్లు అర్జున్ నటిస్తున్న 'ఆలా వైకుంఠాపురంలో', ప్రభాస్ కొత్త సినిమా మేకర్స్ ... ఆమె కోసం స్పెషల్ పోస్టర్స్ రిలీజ్ చేశారు. ఈ రెండు సినిమాల్లో ఆమె హీరోయిన్.
ఒక హీరోయిన్ కోసం ..పెద్ద హీరోల సినిమాల నిర్మాతలు కూడా బర్త్ డే పోస్టర్లు రిలీజ్ చేసారంటే ..దాని అర్థం ఆమె రేంజ్ చాలా ఎక్కవ అని. పూజ హెగ్డే తక్కువ టైంలో ఆ రేంజ్ కి ఎదిగింది. ఈ ఏడాది ఇప్పటికే 'గద్దలకొండ గణేష్' సినిమాలో చిన్న పాత్రకే కోటిన్నర పారితోషికం తీసుకొని తనకున్న క్రేజ్ ఏంటో చూపించింది.