రవితేజ హీరోగా "అమర్ అక్బర్ ఆంటోని" అనే మూవీ రూపొందిస్తున్నాడు దర్శకుడు శ్రీనువైట్ల. సినిమా కథ ప్రకారం చాలా వరకు అమెరికాలోనే తీయాలి. అందుకే తొలి షెడ్యూల్ని అమెరికాలో తీశారు. ఆ తర్వాత రెండు నెలల పాటు అమెరికాలోని వివిధ ప్రదేశాల్లో తీసే విధంగా ప్లాన్ చేశారు. కానీ ఇపుడు ప్లాన్ మారిందట.
అమెరికాకి సంబంధించిన చాలా సన్నివేశాలు ఇపుడు హైదరాబాద్లోనే తీస్తున్నారట. అంటే అమెరికాలో ఇంటిరియర్కి (ఇళ్లు, ఆఫీస్ లోపలి దృశ్యాలు, ఇతర సీన్లు) సంబంధించిన సీన్లన్నీ ఇపుడు భాగ్యనగరంలోనే కానిచ్చేస్తున్నారు. ఎందుకంటే ఇదంతా కాస్ట్ కటింగ్లో భాగమే.