జూనియ‌ర్ ఎన్టీఆర్ అభిమానులను వేడుకుంటున్నాడు యువ నటుడు ఆదర్శ్ బాలకృష్ణ. బిగ్‌బాస్ షోలో పాల్గొని, ఆ త‌ర్వాత దాని నుంచి బ‌య‌టికి వ‌చ్చిన ఆదర్శ్ బాల‌కృష్ణకి ఎన్టీఆర్ అభిమానుల నుంచి స‌మ‌స్య మొద‌లైంది.
ఇటీవ‌ల ‘అరవింద సమేత వీర రాఘవ’ షూటింగ్‌లో పాల్గొన్నాడు ఆదర్శ్. ఈ సినిమాలో ఆద‌ర్శ్‌ది అతిథి పాత్ర. ఎన్టీఆర్, త్రివిక్రమ్ కాంబినేష‌న్లో రూపొందుతోన్న సినిమాలో తాను చిన్న పాత్ర చేసిన ఆనందంలో ట్విట్ట‌ర్‌లో ఒక పోస్ట్ చేశాడు. ఒక ఫోటో కూడా షేర్ చేశాడు. ఫోటోతో స‌మ‌స్య రాలేదు కానీ ఆ పోస్ట్‌లో జూనియ‌ర్ ఎన్టీఆర్‌కి గౌర‌వం ఇవ్వ‌లేద‌ని అభిమానుల‌కి కోపం వ‌చ్చింది.
