3 రోజులుగా అనసూయపై ఒకటే పుకార్లు. జబర్దస్త్ నుంచి ఆమె తప్పుకుందంటూ వరుసగా కథనాలు. ఇక జబర్దస్త్ లో అనసూయ అందాలు చూడలేమంటూ వార్తలు. వీటన్నింటితో విసిగివేసారిపోయింది అనసూయ. వెంటనే తనదైన స్టయిల్ లో క్లారిటీ ఇచ్చే ప్రయత్నం చేసింది. తను జబర్దస్త్ ను వదిలేశానంటూ వస్తున్న పుకార్లపై కాస్త ఘాటుగానే స్పందించింది అనసూయ. దేవుడి దయవల్ల తను జబర్దస్త్ అనసూయగా బాగానే ఉన్నానని చెప్పుకొచ్చింది. పుకార్లు నమ్మొద్దని, జబర్దస్త్ ను వీడుతున్నట్టు వస్తున్న వార్తలపై త్వరలోనే స్పందిస్తానని కూడా శెలవిచ్చింది.