తేజ‌స్వి బిగ్బాస్ షో నుంచి బ‌య‌టికి వ‌చ్చింది. ఎలిమినేష‌న్ ద్వారా ఆమెని బ‌య‌టికి పంపారు. ఆమెని ఎలిమినేట్ చేస స‌మ‌యంలో నాని కొన్ని మంచి మాట‌లు చెప్పాడు. ఏ వ్య‌క్తిపైనైనా ఎవరికైనా ఇష్టం ఉండొచ్చు, అయిష్టం ఉండొచ్చు కానీ ఒక వ్య‌క్తి న‌చ్చ‌క‌పోయినంతా మాత్రానా వారి గురించి బ్యాడ్‌గా మాట్లాడ‌డం త‌ప్పు అని నాని అన్నాడు. ఆయ‌న చెప్పిన దాంట్లో త‌ప్పు లేదు.
సోష‌ల్ మీడియా ప‌వ‌ర్‌కి బిగ్బాస్ టీమ్ త‌లొగ్గింద‌నే అభిప్రాయం వినిపిస్తోంది. బిగ్బాస్ 2 నుంచి పాపుల‌ర్ హీరోయిన్ తేజ‌స్విని ఎలిమినేట్ అయింది. రెండో సీజ‌న్‌ మొద‌టి రోజు నుంచి తేజ‌స్వి చాలా అగ్రెసివ్‌గా ఉంటూ వ‌చ్చింది. ప‌లువురు కాంటెస్టెంట్‌లు ఎలిమినేట్ అవ‌డానికి ఆమెనే కార‌ణం. తేజ‌స్వి ఎన్ని త‌ప్పులు చేసింది. ఐనా బిగ్బాస్ వెన‌కేసుకురావ‌డం, నాని మందలించ‌క‌పోవ‌డంతో ఏదో గోల్‌మాల్ జ‌రుగుతోంద‌ని ట్విట్ట‌ర్‌లో గోల గోల మొద‌లైంది.
