బ్లేడ్ బాబీగా పేరొందిన బండ్ల గణేష్...బిగ్ బాస్ 3లో చేరితే ఎలా ఉంటుంది? అదిరిపోద్ది కదా. ఆ ప్రోగ్రామ్...ఇలాంటి బాపతు వారికి పర్ ఫెక్ట్. అందుకే బండ్లని బిగ్ బాస్ టీమ్ సంప్రతించింది. మొదట బండ్ల గణేష్ కూడా ఉత్సాహం చూపాడు. కానీ తర్వాత తాపీగా ఆలోచించి నో చెప్పాడు.
బిగ్ బాస్ హౌజ్‌లోకి ఎంట్రీ ఇచ్చిన తర్వాత బాహ్యప్రపంచంతో సంబంధాలు కట్ అవుతాయి. ఫోన్ ఉండదు. బయటికి వచ్చే ఛాన్స్ లేదు. ఖర్మ కాలి మొదటి రౌండ్లోనే హోస్ట్ డిస్మిస్ చేస్తే తప్ప వారాల తరబడి అక్కడే ఉండాలి.
జూన్ 23 నుంచి తమిళంలో కమల్ బిగ్ బాస్ కొత్త సీజన్‌ని మొదలుపెట్టనున్నాడు. మూడో సీజన్ జూన్ 23న ప్రారంభం అంటూ కమల్ ఫోటోలతో చేసిన కొత్త పోస్టర్స్‌ బిగ్ బాస్ టీమ్ విడుదల చేసింది. కమల్ హాసన్ స్థానంలో నయనతార బిగ్ బాస్ యాంకర్ గా చేస్తుందన్న వార్తలకి బంద్ పడింది ఇక.
