"దేవ‌దాసు" సినిమాతో తెలుగులోకి అడుగుపెట్టిన ఇలియానా టాలీవుడ్‌లో ఎన్నో హిట్ సినిమాల్లో న‌టించింది. "పోకిరి" వంటి సంచ‌ల‌న చిత్రాలు ఆమె ఖాతాలో ఉన్నాయి. ఐతే ఆమె న‌టించిన తెలుగు చిత్రాల్లో ఆమెకిష్ట‌మైనవి మాత్ర‌మే రెండేన‌ట. ఒక‌టి...జ‌ల్సా. రెండోది కిక్‌. రెండూ హిట్ సినిమాలే.
చాలా గ్యాప్ త‌ర్వాత ఇలియానా మ‌ళ్లీ తెలుగు సినిమాలో న‌టిస్తోంది. ర‌వితేజ స‌ర‌స‌న "అమ‌ర్ అక్బ‌ర్ ఆంటోనీ"లో ఆమె క‌థానాయిక. ఆరేళ్ల గ్యాప్ త‌ర్వాత న‌టిస్తుండ‌డంతో కొంత షైగా ఉంది అంటోంది. ఐతే తెలుగులో మ‌ళ్లీ పాత్ర‌లు రావ‌డం సంతోషంగా అనిపిస్తోందని కూడా చెపుతోంది.
