ఆయనకు తెలుగు చలనచిత్ర రంగం తో విశేషమైన అనుబంధం ఉంది... పరిశ్రమలోని ప్రముఖులు అందరికీ ఆయన సుపరిచితులు. గతంలో రాంగోపాల్ వర్మ డైరెక్షన్ లో “అనగనగా ఒక రోజు”, పూరి జగన్నాథ్ డైరెక్షన్ లో “అమ్మ నాన్న ఒక తమిళ అమ్మాయి” వంటి చిత్రాలు నిర్మించినప్పటికీ ఆయన ఫిలిం ప్రొడ్యూసర్ గా కంటే ఫిలిం ఫైనాన్షియర్ గానే ఇండస్ట్రీలో పాపులర్ అయ్యారు. కొన్ని వందల సినిమాలకు ఫైనాన్స్ చేసి చిన్న సినిమాలకు అండదండగా, ఆపద్బాంధవుడిగా నిలిచిన ప్రముఖ ఫైనాన్సియర్ కె. ఎల్. ఎన్. రాజు చాలా కాలం తరువాత చిత్ర నిర్మాణాన్ని చేపట్టటం పరిశ్రమలో అందరికీ ఆశ్చర్యాన్ని కలిగించింది.