"96" అని ఒక త‌మిళ చిత్రం గ‌తేడాది విడుద‌లై ఎన్నో ప్ర‌శంస‌లు అందుకొంది. విజ‌య్ సేతుప‌తి, త్రిష న‌టించిన 96 ఒక అంద‌మైన, అద్భుత‌మైన ప్రేమ‌క‌థ అని క్రిటిక్స్‌, జ‌నం..అంద‌రూ తీర్మానించారు. 1996లో త‌న స్కూల్‌మేట్‌ని ప్రేమిస్తాడు హీరో. కానీ ప్రేమ‌ని ఎక్స్‌ప్రెస్ చేయ‌లేడు. కొన్నేళ్ల త‌ర్వాత వారు రీయూనియ‌న్‌కి మీట్ అవుతారు. ఆ త‌ర్వాత జ‌రిగిందేంటనేది 96 చిత్రం క‌థాంశం. 96లో జ‌రిగిన స‌న్నివేశాలు, నేటి కాలం క‌థ..రెండూ ఈ సినిమాలో ఉంటాయి.
ఇదే సినిమా ఇపుడు తెలుగులో అదే ద‌ర్శ‌కుడు దిల్‌రాజ్ బ్యాన‌ర్‌కోసం రీమేక్ చేస్తున్నాడు. స‌మంత, శ‌ర్వానంద్ జంట‌గా న‌టించ‌నున్నారు.
పెళ్ల‌యిన త‌ర్వాత నాగ చైత‌న్య, స‌మంత మొద‌టిసారిగా క‌లిసి న‌టిస్తున్న సినిమా.. "మజిలీ". రియ‌ల్ లైఫ్ క‌పుల్ రీల్‌లైఫ్‌లోనూ భార్య‌భ‌ర్త‌లుగానే న‌టిస్తుండ‌డంతో సినిమాపై ఆస‌క్తి మొద‌లైంది. పైగా ఆ మ‌ధ్య విడుద‌లైన ట్ర‌యిల‌ర్ ఆక‌ట్టుకొంది. దాంతో అంచ‌నాలు పెరిగాయి. ఐతే ఈ సినిమా శాటిలైట్‌, డిజిట‌ల్‌, హిందీ రైట్స్ భారీ మొత్తానికి పోయాయ‌ని అపుడే కోత‌లు మొద‌లు అయ్యాయి. ఈ మూడు రైట్స్‌కి క‌లిపే 12 కోట్ల రూపాయ‌లు వ‌చ్చాయ‌ని వార్త‌లు వ‌స్తున్నాయి.
