అప్పుడెప్పుడో "లగాన్" సినిమాలో అమీర్ క్రికెట్ ఆడితే కాసుల వర్షం కురిసింది. ఇప్పటికీ ఆ సినిమా ఆణిముత్యమే. అడపాదడపా మన తెలుగు స్టార్స్ కూడా సిల్వర్ స్క్రీన్ పై క్రికెట్ బ్యాట్ తో కనిపించారు. ఇప్పుడీ ట్రెండ్ మరోసారి మొదలైనట్టు కనిపిస్తోంది. ఒకటి కాదు, రెండు కాదు, ఏకంగా 4 సినిమాలు క్రికెట్ బ్యాక్ డ్రాప్ తో తెరకెక్కుతున్నాయి.

ఇప్పుడొస్తున్న సినిమాల్లో క్రికెట్ బ్యాక్ డ్రాప్ అనగానే అందరికీ గుర్తొచ్చేది "జెర్సీ: సినిమానే. అర్జున్ అనే క్రికెటర్ పాత్రలో నాని ఇందులో కనిపిస్తున్నాడు. సినిమా మొత్తం క్రికెట్ నేపథ్యమే. లేటు వయసులో క్లిక్ అయిన క్రికెటర్ కథతో ఈ సినిమా వస్తోంది.