పూరి జగన్నాథ్ తన డైర‌క్ష‌న్‌కి ఇక కామానో ఫుల్‌స్టాపో పెట్టిన‌ట్లే అనిపించింది ఈ మ‌ధ్య. ఎందుకంటే ఆయ‌న సినిమాల‌న్నీ వ‌రుస‌గా ఫ్లాప్ అవుతున్నాయి. దానికితోడు కొడుకును హీరోగా పెట్టి తీస్తే (మెహ‌బూబా అనే మూవీ) కూడా ప‌రువు నిల‌వ‌లేదు. దాంతో పూరి కొన్ని నెల‌ల పాటు సినిమా డైర‌క్ష‌న్‌కి దూరంగా ఉంటాడ‌ని టాక్ వినిపించింది.
ఆర్జీవీ సంగతి అందరికీ తెలిసిందే. సినిమాలు తక్కువ, షార్ట్ ఫిలిమ్స్ ఎక్కువ. ఇప్పుడీ రూట్లోకి పూరి జగన్నాథ్ కూడా చేరాడు. తను కూడా ఓ షార్ట్ ఫిలిం తీశానని ప్రకటించాడు. డిసెంబర్ 31న ఉదయం 10 గంటలకు తన మొట్టమొదటి షార్ట్ ఫిలిం అప్ లోడ్ అవుతుందని ప్రకటించాడు. తన మొదటి లఘుచిత్రానికి హగ్ (కౌగిలింత) అనే టైటిల్ పెట్టాడు పూరి జగన్నాధ్.
