చరణ్-కొరటాల సినిమా పక్కా అయింది. వచ్చే ఏడాది సమ్మర్ లో సినిమా స్టార్ట్ అవుతుంది. మేట్నీ ఎంటర్ టైన్ మెంట్స్ తో కలిసి తన సొంత బ్యానర్ లో చరణ్ ఈ సినిమాను నిర్మించబోతున్నాడు. చరణ్ హీరో కమ్ నిర్మాతగా చేయబోతున్న మొదటి సినిమా ఇదే కానుంది. అయితే ఈ సినిమాతో మరో రెండు ప్రాజెక్టులపై కూడా క్లారిటీ ఇచ్చాడు చెర్రీ.
చరణ్-మణిరత్నం సినిమా ఇంకా నలుగుతోందంటూ మొన్నటివరకు వార్తలొచ్చాయి. ప్రస్తుతం చేస్తున్న రంగస్థలం కంప్లీట్ అయిన వెంటనే మణిరత్నం సినిమానే ఉంటుందని చాలా మంది భావించారు. కొరటాల శివ సినిమా ఎనౌన్స్ మెంట్ తో మణిరత్నంతో ఇప్పట్లో సినిమా ఉండదనే విషయం తేలిపోయింది.