హీరో గోపిచంద్ గాయపడ్డాడు. షూటింగ్లో స్వల్ప గాయాలు అయ్యాయి. గోపిచంద్ హీరోగా తిరు దర్శకత్వం లో అనిల్ సుంకర నిర్మిస్తొన్న భారీ యాక్షన్ మూవీ ప్రస్తుతం జైపూర్ దగ్గర మండవాలో చిత్రీకరణ జరుపుకుంటోంది.
సోమవారం యాక్షన్ తీస్తున్న సందర్భంలో గోపిచంద్కి గాయాలు అయ్యాయి. బైక్ ఛేజింగ్ సీన్లు తీస్తున్న సమయంలో బైక్ స్కిడ్ అవ్వటంతో గోపిచంద్ గాయపడ్డాడు. గోపిచంద్ ఆరొగ్యానికి ఎలాంటి హాని లేదని, గాయాలకు ట్రీట్మెంట్ తీసుకున్న అనంతరం మిగిలిన చిత్రీకరణ చెసుకొవచ్చని అక్కడి ఫోర్టీస్ హాస్పిటల్స్ డాక్టర్స్ తెలిపారు. దాంతో తిరిగి సెట్స్కి వచ్చి...షూటింగ్లో పాల్గొన్నాడు గోపిచంద్.
కొంతకాలంగా సరైన హిట్ లేక ఇబ్బంది పడుతున్న గోపిచంద్కి సడెన్గా వరుసగా సినిమాలు వస్తున్నాయి. కొత్త ఏడాదిలో గోపిచంద్ పరభాషా దర్శకులతోనే సినిమాలు చేయనున్నాడు. ఇప్పటికే 96 అనే తమిళ సినిమాకి హీరోగా అతన్ని అప్రోచ్ అయ్యారు. అది ఇంకా ఏ విషయం తేలలేదు. ఈ సినిమా అతను చేస్తాడా లేదా అన్నది పక్కన పెడితే..తాజాగా రెండు కొత్త సినిమాలను అంగీకరించాడట. ఈ రెండు కూడా ఇతర భాషలకి చెందిన దర్శకులే డైరక్ట్ చేయనుండడం విశేషం.
