అనుష్క షెట్టి స్పీడ్‌గా షూటింగ్ పూర్తి చేస్తోంది. ఆమె చాలా గ్యాప్ తర్వాత సెట్స్‌పైకి వ‌చ్చింది. ఏడాదిన్న‌ర మేక‌ప్ వేసుకొంది. ఐతే దూకుడు మాత్రం త‌గ్గ‌లేదు. ఆమె తాజాగా న‌టిస్తోన్న మూవీ...నిశ్శబ్దం. హేమంత్ మధుకర్ అనే ద‌ర్శ‌కుడు తెలుగుతో పాటు త‌మిళ, హిందీ, ఇంగ్లీషు భాష‌ల్లో తీస్తున్నాడు. మాధ‌వ‌న్ హీరో. కోన వెంకట్ ప్రెజెంట‌ర్‌.
ప్రస్తుతం షూటింగ్ అమెరికాలో సాగుతోంది. అపుడే 50 శాతం షూటింగ్ పూర్త‌యింద‌ట. ద‌ర్శ‌కుడు హేమంత్ ఈ విష‌యాన్ని అప్‌డేట్ చేశాడు. అనుష్క స్పీడ్‌గా వ‌ర్క్ చేస్తుండ‌డంతో నెల రోజుల్లోనే 50 శాతం వ‌ర్క్ పూర్త‌యింద‌ట.
భాగమతి తర్వాత లాంగ్ గ్యాప్ తీసుకున్న అనుష్క.. హేమంత్ మధుకర్ దర్శకత్వంలో ఓ థ్రిల్లర్ మూవీ చేయడానికి రెడీ అవుతున్న సంగతి తెలిసిందే. కోన వెంకట్, గోపీమోహన్ ఈ సినిమాకు స్క్రిప్ట్ అందించారు. కథ ప్రకారం భారీ షెడ్యూల్ అమెరికాలో చేయాలి. కానీ ప్రస్తుతం ఉన్న కఠిన నిబంధనల కారణంగా అమెరికాలో షూటింగ్ అంటే అతికష్టంగా మారింది. అందుకే అనుష్క కొత్త సినిమా వాయిదా పడే అవకాశాలున్నట్టు వార్తలు వచ్చాయి. అయితే కోన వెంకట్ వీటిని ఖండించాడు.
