తెలుగులో హిట్‌లు రావ‌డం లేదు, ఆఫ‌ర్లు రావ‌డం లేద‌నీ బాలీవుడ్‌పై ఫోక‌స్ పెడితే అక్క‌డ కూడా క‌లిసి రావ‌డం లేదు ర‌కుల్‌కి. ఆమె ఎన్నో ఆశ‌లు పెట్టుకున్న అయ్యారీ సినిమా శుక్ర‌వారం విడుద‌లయింది. క్రిటిక్స్ సినిమా బాలేద‌ని తేల్చారు. జ‌నం కూడా సినిమా చూసేందుకు అంత‌గా ఆశ‌లు చూప‌లేదు.
సిద్దార్థ్ మల్హోత్రా హీరోగా నీరజ్ పాండే దర్శకత్వంలో తెరకెక్కిన అయ్యారీ చిత్రానికి తొలి రోజు 3.36 కోట్ల రూపాయ‌లు మాత్ర‌మే వ‌చ్చాయి. ఇండియా మొత్తం వ‌చ్చిన నెట్ క‌లెక్ష‌న్లు ఇవి. మొద‌టి వీకెండ్‌కి ప‌ది కోట్లు కూడా దాటేలా లేదు.
