ఏదో సినిమాలో హే సాంబార్ అంటూ అన్న‌పూర్ణ‌మ్మతో పిలిపించుకునే విద్యుల్లేఖ రామ‌న్‌ ..రియ‌ల్ లైఫ్‌లో నిజంగానే అర‌వ అతిని చూపిస్తుంటుంద‌ట. త‌ను న‌టించిన సినిమాల‌కి మంచి రేటింగ్‌లు రాక‌పోతే క్రిటిక్స్‌ని తిట్ట‌డం వంటివి చేస్తుంటుంది. ఐతే ఈ భామ‌కి ఇటీవ‌ల దిమ్మ తిరిగే బొమ్మ క‌నిపించ‌డంతో ఇక అతికి అర్జెంట్‌గా బ్రేక్‌లు వేసింది.
"స‌రైనోడు" సినిమాలో సాంబారు పిల్ల‌గా న‌వ్వించిన విద్యు ఉర‌ఫ్ విద్యుల్లేఖ..అపుడే తెలుగులో 30 సినిమాలు పూర్తి చేస్తోంది. చెన్నైకి చెందిన ఈ బొద్దుగుమ్మ "ఎటో వెళ్లిపోయింది మ‌న‌సు" సినిమాలో స‌మంత ఫ్రెండ్‌గా అరంగేట్రం చేసింది. ఐదేళ్లల్లోనే విద్యు ఖాతాలో సినిమాలు 30కి చేరాయి.
ఇపుడామె వ‌రుణ్ తేజ హీరోగా రూపొందుతోన్న "తొలి ప్రేమ" చిత్రంలో న‌టిస్తోంది. తెలుగులో ఆమెకిది 30వ మూవీన‌ట.
