డైరెక్టర్ మారుతి తీసిన 'ప్రతి రోజు పండగే' పెద్ద హిట్ అయింది. ఒక విధంగా చెప్పాలంటే ఇది సర్ ప్రైజ్ హిట్. అంతకుముందు సరైన హిట్స్ లేక బాధ పడుతోన్న సాయి ధరమ్ తేజ్ మూవీ 30 కోట్ల రూపాయల వసూళ్లు అందుకుంటుంది అని ఎవరూ అనుకోలేదు. ఈ సినిమాకి ముందు మారుతీ పరిస్థితి కూడా బాలేదు. పెద్ద హిట్ వచ్చి చాలాకాలం అయింది. అందుకే... ఆ మూవీ రిలీజ్ కి ముందే నిర్మాత దానయ్య కొడుకుని హీరోగా లాంచ్ చేయబోతున్నట్లు, దానికి గాను 6 కోట్ల భారీ పారితోషికం తీసుకుంటున్నట్లు ఒక వెబ్సైటు లో న్యూస్ ప్లాంట్ చేయించుకున్నాడు.
బాబు బంగారం, మహానుభావుడు, శైలజారెడ్డి అల్లుడు చిత్రాలతో యావరేజ్ చిత్రాల దర్శకుడిగా ఇమేజ్ స్థిరపడింది. భారీ హిట్స్ ఇచ్చే దర్శకుడు అనిపించుకోలేకపోతున్నాడు. ఇక ఆయన కథల వంటకాలతో మొదలుపెట్టిన సినిమాలు కూడా ధబేల్ ధబేల్ మని ఫ్లాప్ అవుతూ వస్తున్నాయి. మారుతి అందించిన కథో, కథనమో, కాన్సెప్ట్ పేరు ఏదైనా.. ఆయన బ్రాండ్లో వచ్చిన రోజులు మారాయి, బ్రాండ్బాబు వంటివన్నీ బాక్సాఫీస్వద్ద పడకేశాయి. దాంతో బ్రాండ్ మారుతి బీటలు వారింది.
