అనుష్కకి ప్రకృతి అంటే చాలా ఇష్టం. ఆమె ఇపుడు నేచర్తో మమేకం అవుతోంది. నార్వే కొండల్లో ఉన్న ఒక ప్రకృతి వైద్యశాలలో ఆమె చికిత్స తీసుకుంటోంది. నేచురల్గా బరువు తగ్గే ట్రీట్మెంట్. బహుశా అక్కడి కొండలు, కోనల నుంచే కాబోలు రెండు ఫోటోలను తన ఇన్స్ట్రాగ్రామ్ నుంచి షేర్ చేసింది. ఒక ఫోటో.. అందంగా విరిసిన పువ్వుది. మరోటి నీటిలో తడిసిన తన పాదం ఫోటో.
అనుష్కకి ఇపుడున్న ఏకైక సమస్య...బరువు. పాపం ఆమె చాలా కాలంగా బరువు తగ్గేందుకు ప్రయత్నిస్తోంది. ఎన్ని పద్దతుల్లో ట్రై చేసినా పెద్దగా మార్పు రాలేదు. ఆమె వయసు ఒక కారణం. అందుకే ఇపుడు ఆమె ఆస్ట్రియా వెళ్లిందట. ఒక ఆంగ్ల దినపత్రిక కథనం ప్రకారం.. అనుష్క ఇపుడు ఆస్ట్రియాలో మకాం వేసిందట.
అక్కడ ఒక వైద్యుడు సహజ పద్దతుల్లో బరువు తగ్గిస్తాడట. బాలీవుడ్ భామ పరిణితి చోప్రా ఇంతకుముందు బొద్దుగా ఉండేది. ఇపుడు సైజ్జీరోకి వచ్చింది. దానికి కారణం.. ఆస్ట్రియా వైద్యమేనట. ఆ స్పూర్తితో అనుష్క కూడా అక్కడికి వెళ్లిందట.
హిట్ ఇస్తే వెంటనే కర్చీఫ్లు వేస్తారు మన నిర్మాతలు. హీరోకైనా, హీరోయిన్కైనా, డైరక్టర్కైనా అడ్వాన్స్ రుమాళ్లు తప్పవు. ఈ ఏడాది తొలి బిగ్ హిట్..."భాగమతి". ఐనా ఆ దర్శకుడితో సినిమా చేస్తామని నిర్మాతలు క్యూ కట్టడం లేదట. విచిత్రంగా ఉంది కదూ. కానీ ఇది నిజమే అని అంటున్నారు టాలీవుడ్ గూఢాచారులు.