శ్రీరెడ్డిని వ్య‌భిచారం కేసులో అరెస్ట్ చేయాలంటూ ఒక త‌మిళ సంఘం డిమాండ్ చేస్తుండ‌డంతో చెన్నై పోలీసులు ఇపుడు ఆ విషయాన్ని సీరియ‌స్‌గా తీసుకున్నార‌ట‌. శ్రీరెడ్డి ఇప్ప‌టి వ‌ర‌కు త‌మిళ యూట్యూబ్ చానెల్స్‌కిచ్చిన ఇంట‌ర్వ్యూలు, ఆమె చేసిన కామెంట్‌లు, ఆమె ఫేస్‌బుక్ పోస్ట్‌ల‌ను సేక‌రిస్తున్నారు చెన్నై పోలీసులు. దాదాపుగా సినిమా ఇండ‌స్ట్రీలో అంద‌రితోనూ తాను లైంగిక సంబంధాలు న‌డిపాన‌ని ఆమె స్వ‌యంగా యూట్యూబ్ ఇంట‌ర్వ్యూల్లో చెపుతూ వ‌స్తోంది.

మొన్న‌టి వ‌ర‌కు టాలీవుడ్‌లోనూ, హైద‌రాబాద్‌లోనూ తెగ హంగామా చేసిన శ్రీరెడ్డిని ఇపుడు తెలుగు మీడియా వ‌దిలేసింది. ప‌వ‌ర్‌స్టార్ ని ఆమె తిట్ట‌డం, ఛానెల్స్‌లో ఆ బీఫ్డ్ మాట రావ‌డం, ప‌వ‌ర్‌స్టార్ ఫైర్ కావ‌డం, ఈ విష‌యంలో సాధార‌ణ ప్ర‌జానీకం కూడా ప‌వ‌న్‌కే మ‌ద్ద‌తుగా నిల‌వ‌డంతో... శ్రీరెడ్డి విష‌యంలో మెయిన్ స్ట్రీమ్ మీడియా వెన‌క‌డుగు వేసింది. ఇక విధంగా చెప్పాలంటే అప్ర‌క‌టిత నిషేధాన్ని విధించింది. ఏ ఛానెల్ కూడా శ్రీరెడ్డిని స్టూడియోకి ఆహ్వానించ‌డం లేదు. అస‌లు ఆమె వార్త‌ల‌నే ప్ర‌సారం చేయ‌డం లేదు.