కళాత్మక దృశ్య కావ్యం ‘శంకరాభరణం’... ఫిబ్రవరి 2, 1980న విడుదలైంది. కళాతపస్వి కె.విశ్వనాధ్ దర్శకత్వంలో పూర్ణోదయా ఆర్ట్ క్రియేషన్స్ పతాకం పై  ఏడిద నాగేశ్వరరావు - ఆకాశం శ్రీరాములు దీన్ని నిర్మించారు. తెలుగునాటే కాదు  తమిళనాడు, కర్ణాటక, కేరళ లలో కూడా అఖండ విజయం సాధించింది. అమెరికా లో రెగ్యులర్ థియేటర్స్ లో విడుదలైన మొట్ట మొదటి తెలుగు చిత్రం ఇదే. 

ప్రతి తెలుగు వాడు ఇది మన సినిమా సినిమా అని గర్వంగా చెప్పుకొనే చిత్రం... శంకరాభరణం.

కళాతపస్వి కె.విశ్వనాథ్‌ ని తెలంగాణ సీఎం కేసీఆర్‌ కలవడం ఒక సర్ప్రైజ్. ఇది మర్యాదపూర్వక కలయిక మాత్రమే. కె.విశ్వనాథ్‌ సినిమాలకి సీఎం కేసీఆర్‌ అభిమాని. ఒక అభిమానిగా తనను కలవడానికి వచ్చాను అని కేసీఆర్‌ చెప్పారని విశ్వనాధ్ మీడియాకి వివరించారు. హైదరాబాద్ లోని బంజారా హిల్స్ లోని విశ్వనాధ్ ఇంటికి ఆదివారం కేసీఆర్‌ వెళ్లారు.

తనకి ఆరోగ్యం బాగా లేకపోవడంతో ఇప్పుడు ఎలా ఉందని వాకబు చేసేందుకే సీఎం వెళ్లారన్న వార్తలను విశ్వనాధ్ తోసిపుచ్చారు. తాను పెర్ఫెక్టు హెల్తీ అన్నారు విశ్వనాధ్.