మొన్న‌టి వ‌ర‌కు టాలీవుడ్‌లోనూ, హైద‌రాబాద్‌లోనూ తెగ హంగామా చేసిన శ్రీరెడ్డిని ఇపుడు తెలుగు మీడియా వ‌దిలేసింది. ప‌వ‌ర్‌స్టార్ ని ఆమె తిట్ట‌డం, ఛానెల్స్‌లో ఆ బీఫ్డ్ మాట రావ‌డం, ప‌వ‌ర్‌స్టార్ ఫైర్ కావ‌డం, ఈ విష‌యంలో సాధార‌ణ ప్ర‌జానీకం కూడా ప‌వ‌న్‌కే మ‌ద్ద‌తుగా నిల‌వ‌డంతో... శ్రీరెడ్డి విష‌యంలో మెయిన్ స్ట్రీమ్ మీడియా వెన‌క‌డుగు వేసింది. ఇక విధంగా చెప్పాలంటే అప్ర‌క‌టిత నిషేధాన్ని విధించింది. ఏ ఛానెల్ కూడా శ్రీరెడ్డిని స్టూడియోకి ఆహ్వానించ‌డం లేదు. అస‌లు ఆమె వార్త‌ల‌నే ప్ర‌సారం చేయ‌డం లేదు. 

శ్రీరెడ్డి ద‌గ్గ‌ర నిజంగా ఆధారాలుంటే ...డైర‌క్ట్ పోలీసు స్టేష‌న్‌కి వెళ్లి కేసు పెట్టేది. నిజానికి ఎవ‌రైనా అలాగే చేస్తారు. కానీ తాంబూలాలు ఇచ్చేశా తన్నుకు చావండి అన్న‌ట్లు ఆమె బిహేవ్ చేస్తోంది. కేవ‌లం ఆరోప‌ణలు చేయ‌డ‌మే ప‌ని అన్న‌ట్లుగా ప్ర‌వ‌ర్తిస్తోంది. మీడియా కూడా నిరాధార ఆరోప‌ణ‌ల‌కి ప్రాధాన్యం ఇస్తోంది...ఇలా శ్రీరెడ్డిపై విరుచుకు ప‌డ్డాడు త‌మిళ యువ హీరో కార్తీ.

అంద‌రూ భావిస్తున్న‌ట్లు తాను ఎక్కువ మందితో సంబంధాలు పెట్టుకోలేదంటోంది శ్రీరెడ్డి.

వివాదాల‌కి మారుపేరుగా మారిన శ్రీరెడ్డి....అవ‌కాశాల కోసం త‌న‌ని ఎంద‌రో వాడుకున్నార‌ని బయ‌ట‌పెట్టి సంచ‌ల‌నం సృష్టించింది. మొద‌ట ఆమె చేసిన ఆరోప‌ణ‌ల్లో, ఆమె ఆవేద‌న‌లో కొంత నిజ‌ముంద‌నిపించింది. ఐతే ఆ త‌ర్వాత ఆమె చేస్తున్న ఆరోప‌ణలు జుగుప్స క‌లిగించ‌డం మొద‌లు పెట్టాయి. ఇదంతా ప‌బ్లిసిటీ కోసమే చేస్తున్న భావ‌న అంద‌రిలో మొద‌లైంది.