రాజ‌మౌళి నెక్స్‌ట్ మూవీ గురించి ఎంతో డిస్క‌ష‌న్ న‌డుస్తోంది.  ఫ్రాంక్‌గా చెప్పాలంటే నెక్స్‌ట్ ఏంటి అనే విష‌యంలో రాజ‌మౌళి కూడా సీరియ‌స్‌గా థింక్ చేయ‌లేదు. ఎందుకంటే ఆయ‌న మూడ్ అంతా ఇపుడు కొంత విశ్రాంతి తీసుకోవ‌డ‌మే. ప్ర‌స్తుతం లండ‌న్ విహార యాత్ర‌లో ఉన్నాడు. ఇండియాకి వ‌చ్చిన త‌ర్వాత వెంట‌నే భూటాన్ వెళ్తాడు. అంటే ఇంకో రెండు నెల‌లు సినిమా గురించి ఊసే ఎత్త‌డు. 

బాహుబ‌లి 2 సినిమా మొద‌టి వారం పూర్తి చేసుకొని రెండో వారంలోకి ఎంట‌రైంది. ఇక ఈ సినిమా ప్ర‌మోష‌న్ కూడా పూర్త‌యింది. బాహుబ‌లి సిరీస్‌కి సంబంధించినంత వ‌ర‌కు ఖేల్ ఖ‌తం దుకాణ్ బంద్ అంటున్నాడు రాజ‌మౌళి. ‘బాహుబలి’తో తన ప్రయాణం పూర్తైందని రాజమౌళి లండ‌న్ నుంచి ట్వీటేశాడు. హీరోయిన్ అనుష్క‌, కీర‌వాణి, నిర్మాత శోభుల‌తో క‌లిసి లండ‌న్‌లో సినిమాని ప్ర‌మోట్ చేశాడు.