"అర‌వింద స‌మేత" సినిమా షూటింగ్ దాదాపుగా పూర్త‌యింది. ఒక పాట చిత్రీక‌ర‌ణ‌, కొంత ప్యాచ్ వర్క్ మిగిలి ఉంది. ద‌ర్శ‌కుడు త్రివిక్ర‌మ్ ఈ సినిమాని చాలా స్పీడ్‌గా పూర్తి చేశారు. రెగ్యుల‌ర్ షూటింగ్‌ని ఏప్రిల్‌లో మొద‌లుపెట్టారు. పెద్ద హీరో సినిమాని ఆరు నెల‌ల్లో పూర్తి చేయ‌డం అంటే మాట‌లు కాదు. ఇది ఇలా సాధ్య‌మైందంటే ..సినిమా మొత్తాన్ని హైద‌రాబాద్ స్టూడియోల్లోనూ, ప‌రిస‌ర ప్రాంతాల్లో తీయ‌డం వ‌ల్లే. అలాగే జూనియ‌ర్ ఎన్టీఆర్ ఈ సినిమా కోసం నాన్‌స్టాప్‌గా ప‌నిచేశాడు. త‌న తండ్రి హ‌రికృష్ణ క‌న్నుమూసినా.. సినిమా ఆల‌స్యం కావొద్ద‌నే ఉద్దేశంతో నాలుగో రోజు నుంచి షూటింగ్‌లో పాల్గొన్నాడు. 

సెప్టెంబ‌ర్ 20...అక్కినేని నాగేశ్వ‌ర‌రావు జ‌యంతి. ఈ సంద‌ర్భంగా దేవ‌దాసు ఆడియోని విడుద‌ల చేస్తున్నారు. నాగార్జున న‌టించిన సినిమా కాబ‌ట్టి ఆ డేట్‌ని ఫిక్స్ చేసుకోవ‌డం అనేది కామ‌న్‌. కానీ జూనియ‌ర్ ఎన్టీఆర్ న‌టించిన "అర‌వింద స‌మేత" ఆడియో కూడా ఏఎన్నార్ జ‌యంతి నాడు విడుద‌ల కావ‌డం విశేషం. కాక‌తాళీయంగా డేట్ ఫిక్స్ అయినా.. ఇది బాగుంద‌ని చెప్పొచ్చు.అక్కినేని కుటుంబానికి, నంద‌మూరి కుటుంబానికి మంచి అనుబంధం ఉంది. జూనియ‌ర్ అంటే నాగ్‌కి చాలా ఇష్టం కూడా.