రామ్‌చ‌ర‌ణ్ త‌న చెల్లెలు సినిమాకి కంప‌ల్స‌రీగా ప్ర‌మోట్ చేస్తాడ‌న్న‌మాట‌. ఆమె న‌టించిన మొద‌టి సినిమా ఒక మ‌న‌సు మూవీ ప్ర‌మోష‌న్ ఈవెంట్‌కి అతిథిగా వ‌చ్చాడు. ఇపుడు హ్యాపీ వెడ్డింగ్ ప్రీ రిలీజ్‌కి కూడా చ‌ర‌ణే మెయిన్ స్టార్ గెస్ట్‌గా విచ్చేశాడు. ఇప్ప‌టి వ‌ర‌కు హ్యాపీ వెడ్డింగ్ సినిమా మీద హైప్ రాలేదు. అందుకే నీహారిక సినిమాకి త‌నే వ‌చ్చి ప్ర‌మోష‌న్‌కి ఊపు తీసుకొస్తున్నాడు. 

నీహారిక కొణిదెల ఆ మ‌ధ్య ఒక హీరోని పెళ్లి చేసుకోవాల‌నుకుంది. కానీ ఇపుడు ఆమె ఆలోచ‌న డ్రాప్ చేసుకున్న‌ట్లు స‌మాచారం. ఏమైందో ఏమో కానీ.. ఇద్ద‌రి మ‌ధ్య బ్రేక‌ప్ అయింది (ట‌). అందుకే ఆమె ఎడాపెడా కొత్త‌గా సినిమాలు ఒప్పుకుంటోంది. త్వ‌ర‌లోనే హ్యాపీ వెడ్డింగ్ అనే సినిమా రిలీజ్ అవుతోంది.

రీసెంట్‌గా శ్రియాతో క‌లిసి ఒక సినిమా లాంచ్ చేసింది. అందులో ఆమె రెండో హీరోయిన్‌. అలాగే ముద్ద‌ప‌ప్పు వెబ్ సిరీస్ ద‌ర్శ‌కుడు తీస్తున్న తొలి చిత్రంలోనూ ఆమే క‌థానాయిక‌. అంటే చేతిలో హీరోయిన్‌గా రెండు సినిమాలు సెట్స్‌పై ఉన్నాయి.