పవర్స్టార్ పవన్ కల్యాణ్ కోసం ఏమైనా చేస్తామంటారు ఆయన అభిమానులు. అంత అభిమానం ఉంది వారికి. అందులో డౌట్ పడాల్సిందేమీ లేదు. అభిమానుల కోసం పవర్స్టార్ చేస్తున్న సినిమాలు మాత్రం వారిని ఆకట్టుకోలేకపోతున్నాయి. మొదట సర్దార్ గబ్బర్సింగ్ నిరాశపర్చింది. ఆ తర్వాత కాటమరాయుడు దెబ్బకొట్టింది. ఇపుడు అజ్ఞాతవాసి. వరుసగా మూడు సినిమాలు పవర్స్టార్ అభిమానులని డీలాపర్చాయి.
పవన్ కెరీర్ పై ఇప్పుడు భారీ చర్చ నడుస్తోంది. పవర్ స్టార్ సినిమాల నుంచి తప్పుకుంటాడా.. లేక అజ్ఞాతవాసి తర్వాత తన 26వ సినిమాను ప్రకటిస్తాడా..? ఫిలింనగర్ లో అందరి ఆలోచనలు ఈ దిశగానే సాగుతున్నాయి.
తాజాగా జరిగిన ఆడియో రిలీజ్ ఫంక్షన్ లో పవన్ నిర్ణయం వెల్లడిస్తాడని అంతా ఎదురుచూశారు. సుదీర్ఘంగా ప్రసంగించడం కోసమే ప్రత్యేక అతిథుల్ని ఆహ్వానించలేదనే ప్రచారం కూడా జరిగింది. కానీ పవన్ ఈసారి కూడా తన కెరీర్ ను ప్రశ్నార్థకంగానే మిగిల్చాడు. నెక్ట్స్ సినిమాపై ఎలాంటి స్పష్టత ఇవ్వలేదు. అలా అని సినిమాల నుంచి తప్పుకుంటానని కూడా చెప్పలేదు.