మహేష్ - మురుగదాస్ కాంబోలో వస్తున్న స్పైడర్ మూవీ ఇప్పటికే రెండు సార్లు వాయిదాపడింది. మొదట జూన్ 23 అన్నారు. తర్వాత ఆగస్ట్ అన్నారు. కానీ ఈ రెండూ వర్కవుట్ కాలేదు. తాజాగా సెప్టెంబర్ కు సినిమా పోస్ట్ పోన్ అయింది. మరోవైపు సినిమా షూటింగ్ పై కూడా ఎలాంటి క్లారిటీ లేదు. ఎట్టకేలకు ఈ సినిమా ఫైనల్ షెడ్యూల్ పై ఓ చిన్న క్లారిటీ ఇచ్చింది యూనిట్.
మహేష్ మూవీకి సంబంధించి రేపట్నుంచి (May 13) ఫినిషింగ్ టచ్ ప్రారంభం కాబోతోంది. అవును.. స్పైడర్ సినిమా ఫైనల్ షెడ్యూల్ రేపట్నుంచి హైదరాబాద్ లో ప్రారంభం అవుతుంది. ఇది ఎన్ని రోజులు ఉంటుందనే విషయంపై యూనిట్ లో ఒక్కొక్కరు ఒక్కో విధంగా రెస్పాండ్ అవుతున్నారు. మహేష్ పై తీయాల్సిన సన్నివేశాలు చాలానే ఉన్నాయని కొందరు అంటుంటే.. ఈ నెలాఖరు వరకు షూటింగ్ ఉండొచ్చని మరికొందరు అంటున్నారు. మహేష్-రకుల్ పై ఓ సాంగ్ ఇంకా బ్యాలెన్స్ ఉందని కూడా అంటున్నారు.
