రకుల్ ఈమధ్య ఒకడ్ని పట్టుకొని చెడామడా వాయించేసింది. డైరక్ట్ గా కాదులెండి. సోషల్ మీడియాలో. తను వేసుకున్న ఓ డ్రెస్ కు సంబంధించి ఓ కుర్రాడు అభ్యంతరకరంగా స్పందిస్తే, రకుల్ అంతెత్తున లేచింది. అతడిపై గయ్ మంది. దెబ్బకు అతడు తన ట్వీట్ డిలీట్ చేసి సైలెంట్ అయిపోయాడు. సరే, ఈ సంగతి అటుంచితే ఎప్పుడూ కూల్ గా, స్వీట్ గా ఉండే రకుల్ ఉన్నఫలంగా ఎందుకింత రెచ్చిపోయిందనేది ఇప్పుడు హాట్ టాపిక్ గా మారింది.
విడుదలైన మొదటి రోజు మొదటి ఆటకే డిజాస్టర్ అయింది స్పైడర్ సినిమా. ఈ సినిమా ఎఫెక్ట్ నుంచి హీరో మహేష్, దర్శకుడు మురుగదాస్ త్వరగానే కోలుకున్నారు కానీ రకుల్ పై మాత్రం ఆ దెబ్బ గట్టిగా పడింది. అప్పటికే ఫ్లాప్ హీరోయిన్ అనే ఇమేజ్ తో ఉన్న రకుల్ ను స్పైడర్ కోలుకోలేని దెబ్బ తీసింది. ఈ సినిమా తర్వాత పత్తాలేకుండా పోయిన రకుల్, లాంగ్ గ్యాప్ తర్వాత మెల్లమెల్లగా మరోసారి తెలుగుతెరపైకి వచ్చే ప్రయత్నం చేస్తోంది.
ఇందులో భాగంగా ఎన్టీఆర్ బయోపిక్ లో ఓ చిన్న వేషం కట్టింది. బయోపిక్ లో శ్రీదేవి పాత్ర కోసం రకుల్ ను తీసుకున్నారు. ఆమెపై ఓ సాంగ్, ఓ సీన్ తీశారు.