ఇటీవ‌ల తెలుగు సినిమా హీరోయిన్లు (వ‌ర్ధ‌మాన తార‌లు), రాజ‌కీయ నేప‌థ్యం ఉన్న తార‌లు... సినిమా వాళ్ళ ప‌రువును బ‌జారుకీడుస్తున్నారు. కొళాయి (న‌ల్లా) ద‌గ్గ‌ర కొట్టుకునే స్థాయికి చ‌ర్చ‌ల‌ను తీసుకొచ్చారు. ఈ మ‌ధ్య ఏ భామ యూట్యూబ్ ఛానెల్‌కి ఇంట‌ర్వ్యూ ఇచ్చినా...అందులో క్యాస్టింగ్ కౌచ్ ఇష్యూ మెయిన్ హైలెట్ అవుతుంది. ఆ ఇంట‌ర్వ్యూ బిట్స్‌ని ఇత‌ర చానెల్స్ మరింత స్పైస్‌ని జోడిస్తూ య‌థేచ్చ‌గా వాడుకుంటున్నాయి. ఫ‌లానా ద‌ర్శ‌కుడు, నిర్మాత త‌న‌ని "ప‌క్క‌లోకి ర‌మ్మన్నాడు" అని థంబ్ నెయిల్ ఇమేజీల‌తో వ్యూస్ పెంచుకునే ప్ర‌య‌త్నం చేస్తున్నాయి. ఇదొక ప్ర‌హ‌సనం.

రోజా లేక‌పోతే అస్స‌లు కిక్ లేద‌బ్బా! ఈ మాట అన్న‌ది ఎవ‌రో కాదు ఆంధ్ర‌ప్ర‌దేశ్‌కి చెందిన మంత్ర‌లు, ఎమ్మెల్యేలు.

న‌టి రోజా వైఎస్సార్ కాంగ్రెస్ పార్టీకి చెందిన ఫైర్‌బ్రాండ్ నేత‌. ఆమె నోరు విప్పిందంటే ఎదుటి ప‌క్షం నేత‌లు మాట‌లు వెతుక్కోవాలి. ఆమె పొలిటిక‌ల్ పంచ్ డైలాగ్‌ల‌ బుల్లెట్‌ల‌ను త‌ట్టుకోవ‌డం ఎంత‌టి పురుష‌పుంగవుల‌కైనా క‌ష్ట‌మే. ఆమె నిర్మోహ‌మాటంగా మాట్లాడుతుంది. అవి బూతుల‌ని ఆడిపోసుకుంటారు అధికార ప‌క్ష నేత‌లు. కానీ నావి క‌ర్ణ‌క‌ఠోర స‌త్యాలు అంటూ ఉంటుంది రోజా.

ఫైర్‌బ్రాండ్ రోజా ఊహాగానాలకి తెర‌దించింది. వ‌ర్మ తీసే "ల‌క్ష్మీస్ ఎన్టీఆర్" సినిమాలో అవ‌కాశం వ‌స్తే న‌టించేందుకు తాను రెడీ అని ప్ర‌క‌టించింది. ల‌క్ష్మీపార్వ‌తి కోణంలో ఎన్టీఆర్ జీవితాన్ని వ‌ర్మ తీస్తాన‌ని అనౌన్స్ చేశాడు. ఎన్టీఆర్ పాత్ర‌లో ప్ర‌కాష్‌రాజ్ అనీ, ల‌క్ష్మీపార్వ‌తిగా రోజా అని వార్త‌లు వ‌చ్చాయి. ఆ వెంట‌నే వ‌ర్మ అదంతా తూఛ్ అనేశాడు.

ఇపుడు రోజా స్పందించింది.