తేజ ద‌ర్శ‌క‌త్వంలో మ‌రోసారి న‌టిస్తోంది కాజ‌ల్ అగ‌ర్వాల్‌. ఆమెని తెలుగుతెర‌కి ప‌రిచ‌యం చేసింది అత‌నే. తేజ తీసిన "ల‌క్ష్మీ క‌ల్యాణం" సినిమాతో ఆమె అరంగేట్రం చేసింది. ఆ త‌ర్వాత ప‌దేళ్ల గ్యాప్ త‌ర్వాత గతేడాది రానా హీరోగా ఆయ‌న రూపొందించిన నేనే రాజు నేనే మంత్రిలోనూ న‌టించింది. ఈ సినిమా బాగా హిట్ట‌యింది. అందులో రాధ అనే రాయ‌ల‌సీమ యువ‌తిగా న‌టించి మెప్పించింది. అదే సెంటిమెంట్‌తో ఆమెని త‌న తాజా సినిమాలోనూ రిపీట్ చేశాడు.

రియల్ లైఫ్ లో కాజల్ మెంటాలిటీ మనకు తెలియదు కానీ, ఓ సినిమాలో మాత్రం ఆమె ఇలా నెగెటివ్ షేడ్స్ లో కనిపించబోతోందట. అవును.. తేజ దర్శకత్వంలో బెల్లంకొండ హీరోగా తెరకెక్కుతున్న ఓ సినిమాలో ఇలా డబ్బు పిచ్చి ఉన్న అమ్మాయిగా కనిపించబోతోందట కాజల్.

ఈ క్యారక్టర్ పై ఇప్పటికే ఓసారి రియాక్ట్ అయింది ఈ ముద్దుగుమ్మ. తేజ దర్శకత్వంలో చేస్తున్న పాత్ర, తన కెరీర్ లోనే ది బెస్ట్ అంటూ కవచం ప్రమోషన్ టైమ్ లో చెప్పుకొచ్చింది. డబ్బు పిచ్చి ఉన్న అమ్మాయిగా నెగెటివ్ షేడ్స్ తో ఆ పాత్ర ఉంటుందంటూ ప్రస్తుతం లీకులు వస్తున్నాయి. ఈ పుకారే నిజమయ్యే అవకాశాలు కూడా ఎక్కువగా కనిపిస్తున్నాయి.