రాజకీయ నాయకులైనా... సినిమా సెలబ్రిటీలైనా మీడియా ద్వారా ప్రచారం లేకపోతే ప్రజల్లోకి వెళ్లలేము అని బలంగా నమ్ముతారు. మనసులో ఎలా ఉన్నా మీడియాను చేరదీసి తమకు సంబంధించిన వార్తలు వచ్చేలా చూసుకొంటారు. అది వ్యతిరేకమైనా, అనుకూలమైనా ఏదొకలా వార్తల్లో ఉండాలని నాయకులు భావిస్తారు. ఎప్పుడూ తమను పొగుడుతూ చిడతలు కొట్టేలా వార్తలు ఇవ్వాలని సినీ జనాలు కోరుకొంటారు. సినిమాకు కొబ్బరికాయ కొట్టక ముందు నుంచి వెండి తెర మీద బొమ్మపడి పది రోజులు నిలబడేవరకూ ఆ బొమ్మ గురించి దిమ్మ తిరిగే కవరేజి కోసం తపిస్తుంటారు. కానీ ప్రముఖ దర్శకుడు రాజమౌళికి మాత్రం తెలుగు మీడియాపై కొంత చుల‌క‌న భావం ఏర్ప‌డింద‌ట‌.