నటుడు విజయ్ ఆత్మహత్య కేసులో హైదరాబాద్ పోలీసులు కొంత పురోగతి సాధించారు. ఈ కేసులో ఆయన భార్య వనిత అరెస్ట్ తప్పదని వార్తలు వస్తున్నాయి. విజయ్ అంత్యక్రియలకి వనిత రాలేదు. అప్పట్నుంచే ఆమె అజ్ఞాతంలో ఉంది. ఆమె పారిపోయి ఉంటుందని పోలీసులు మీడియాకి చెప్పారు. ఆమె కోసం అన్వేషణ మొదలుపెట్టారు.
ఐతే ఆమె తాజాగా ఒక వీడియోని పోస్ట్ చేసింది. తాను ఎక్కడికీ పారిపోలేదన్నారు.
నటుడు విజయ్ ఆత్మహత్య కేసు అనేక మలుపులు తిరుగుతోంది. ఆయన భార్య, నటి వనిత వల్లే ఆయన ఆత్మహత్య చేసుకున్నాడని ఉదయం వార్తలు వచ్చాయి. ఇపుడు ఒక వీడియో బయటికి వచ్చింది. ఆత్మహత్యకి కొద్ది నిమిషాల ముందు ఆయన సెల్పీ వీడియో తీసుకున్నాడని పోలీసులు తెలిపారు. ఆ వీడియోలో కొన్ని సంచలన విషయాలు బయటపెట్టారు.