"ఆర్ఎక్స్ 100" చిత్రంతో పాపులర్ అయ్యాడు యువ దర్శకుడు అజయ్ భూపతి. ఆత్రేయపురం ప్రాంతానికి చెందిన అజయ్ భూపతి పలు సినిమాలకి రాంగోపాల్ వర్మ వద్ద సహాయకుడిగా చేశాడు. తొలి సినిమాతోనే భారీ హిట్ అందుకున్నాడు. యూత్కి నచ్చే విధంగా సినిమాని నేరేట్ చేయడంతో ఈ దర్శకుడితో పని చేసేందుకు నితిన్, రామ్ వంటి హీరోలు ముందుకొచ్చారు. ఫైనల్గా రామ్తోనే తన నెక్స్ట్ మూవీ సెట్ చేసుకున్నాడట.
ఒక చిన్న సినిమా 10 కోట్ల థియేటర్ వసూళ్లను సంపాదించడం అంటే మాములు మేటర్ కాదు. కొత్త తారలతో కొత్త దర్శకుడు కొత్త నిర్మాత తీసిన "ఆర్ఎక్స్ 100" షేర్ ఇప్పటికే 9 కోట్ల రూపాయల దగ్గరికి వచ్చింది. ఒక నైజాంలోనే 4 కోట్ల షేర్ని దాటింది. మొత్తం రన్ పూర్తయ్యేసరికి ఎంత వసూల్ చేయగలదు?
ట్రేడ్ పండితుల అంచనా ప్రకారం ఈ సినిమా రూ. 14 నుంచి రూ.15 కోట్ల వరకు రాబట్టగలదని అంచనా. నైజాంలో ఏడు కోట్ల రూపాయల వరకు, ఉత్తరాంధ్రలో కోటిన్నర వరకు, సీడెడ్లోనూ కోటిన్నర వరకు రాబడుతుందని ఎక్స్పెక్ట్ చేస్తున్నారు. అంటే పెళ్లి చూపులు సినిమా కంటే పెద్ద హిట్ అవుతుంది ఈ మూవీ.