సూపర్స్టార్ రజనీకాంత్ కెరియర్లో ఒక గొప్ప హిట్.."బాషా".1995లో విడుదలైన ఆ సినిమా స్క్రీన్ ప్లే టెక్నిక్ ఆ తర్వాత వందల సినిమాలకి ఆధారమైంది. రజనీకాంత్కి ఆల్రెడీ ఉన్న సూపర్స్టార్ ఇమేజ్ని ఆకాశానికెత్తింది "బాషా". 1995 సంక్రాంతికి విడుదలయింది ఆ మూవీ. ఇపుడు 2019 సంక్రాంతికి వస్తోంది "పేట". ఈ రెండు కథ, కథనాలకి లింక్ ఉందట.
రజనీకాంత్కి, ముంబైకి ఒక స్పెషల్ లింక్ ఉంది. ముంబైలో మాఫియా డాన్గా రజనీ నటిస్తే సినిమా బ్లాక్బస్టర్. ఇంకా చెప్పాలంటే ఆ సినిమా చరిత్ర సృష్టిస్తుంది. ఎగ్జాంఫుల్...90లలో వచ్చిన "బాషా" మూవీ. మాణిక్ బాషాగా రజనీ క్రియేట్ చేసిన రికార్డుల గురించి ఇప్పటికీ ఫిల్మ్ లవర్స్ చెప్పుకుంటారు. రెండు దశాబ్దాల తర్వాత మళ్లీ ముంబై మాఫియా డాన్గా మారిపోయాడు రజనీ.